سفن 7 قايز


نتمــــــــــنى قضـــا وقتــ ممتـــع


سفن gaees 7
 
الرئيسيةسفن 7 قايزمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مسلسلات ارعص ( هنا ) 3

اذهب الى الأسفل 
كاتب الموضوعرسالة
كسلان بامتياز
عضو جديد
عضو جديد
avatar

ذكر
عدد المساهمات : 52
نقاط : 109
السٌّمعَة : 0
تاريخ التسجيل : 18/02/2011

مُساهمةموضوع: مسلسلات ارعص ( هنا ) 3   الإثنين مارس 14, 2011 4:04 am

اجل صار الببسي بريال ونص تدرون ليش ماخلوه بريالين لان اغلب الناس ماتبي النص الباقي وش تسويبه لو ريالين باخذ ببسي واحد وبضف خشتي لكن بريال ونص اقول اخذ ثنين بثلاثه ريال شفتو كيف المخ والناس اللي تفكر وحنا ياغافلين لكم الله زي اسعار الاسواق الكبيره بنده والعثيم لاحظو كل شي عندهم سعره لابد وربع ونص 6 هلله وهلم جر ناس تعرف تفكر وتعرف كيف تبيع << بيتصفق بس مايندرى متى !! شركة الاتصالات يوم عطو عملائهم شهر مكالمات مجانا اللي قاهرني يوم صارت المكالمات بلاش ماعاد صرت اكلم سبحان الله مالقيت من اكلمه صرت ادق على امي وانا في غرفتي فوق وهي في الصاله حدر(هاه غداكم زاهب من عندكم من دق جرس الباب وين بتروحون اليوم) بس ادور حتسي !! على طاري المواضيع المنقوله << بينصب عليهم شوي فتحت صفحة قوقل واكتب ( رشيد الحوطي ) لقافه والقى ناس ماخذين نكي ومواضيعي وحاطينها في منتديات ثانيه خوش والله سرق عينك عينك هذي مشكلة الضعوف ماعندهم حقوق طبع << الله واكبر يا نجيب محفوظ !! جاء الشتاء والناس لبسو ملابس شتويه عن البرد بس كلها كوم والشراريب تكرمون كوم وخصوصا لا صليت في مسجد صاكين اؤم الدرايش مافيه منسم الا الباب اللي ندخل معه عاد شم الروائح واذا صار عاد مسجد صغير الله (حدث فلا حرج) بس اسجد وقدامك واحد لابس شراب له مده مافصخه ياشيخ صفقني تخشع واول مايسلم الأمام مايشوفون الا غبرتك من المسجد منحاش تبي الفكه !! ناداني الوليد بن طلال وقالي تعال بزوجك بنتي قلت له اسمحلي ابي مدرسه ,, هالشباب طايحين يتشرطون اذا بغى يعرس لازم مدرسه ولا موظفه وش تبي ياخي راتب البنت مو من حقك انت ملزوم تصرف عليها يا درج خلك اسد << ايه هين !! بعض البنات تبي العرس وسبحان الله ماتوفقت برجال يفتح النفس , وبنات ماتبي العرس تتشرط ماتبي تعرس خايفه من الزواج لأنها مبسوطه عند ابوها مدلعها (الله يخلف على ابو اللي جابنا بس ماعرفنا دلع ولا غيره) ويجونهم رجال كفو وعليهم القيمه ويتنعفقون مانبي نعرس قهر والله ( يأدي الحلق للي بلا ودان ) !! فيه فرق بين سكان شمال الرياض وجنوب الرياض في كل شئ (شمال الرياض) ساكنين في فلل وقصور سياراتهم اقل شئ موديل 2006 رجالهم يا موظف على مرتبه راقيه ولا مدير ولا رجل اعمال ولا وزير ولا ولا ولا ... الخ لا تورطونا مابي اكمل !! وحريمهم يا مديرة مدرسه ولا عندها اسهم ولا اديبه ولا شاعره !! عيالهم نظيفين لابسين احسن لبس مؤدبين مربيتهم شغاله فلبينيه ولا مغربيه ينادون ابوهم بابا وامهم ماما المدرسه يروحون لها مع السواق والأكل عندهم بنظام وبوقت ونظام غذائي منظم واذا نجح احد من عيالهم ولا بناتهم في الدراسه هديته سفره لجنيف ولا لأي دوله اوربيه !! (جنوب الرياض)ساكنين في عماير ولا بيت دور واحد سياراتهم اطلق شي كوريلا موديل 2000 واقساط بعد رجالهم يا فراش مدرسه ولا معقب ولا موظف ولا كاتب على بند الاجور حريمهم احسنهم مدرسة رسم ولا مطالعه في ابتدائيه ولا ربة منزل امحق ربة منزل طول يومها تدعي على عيالها عيالهم تشوفهم شهبان ومسمرين من الشموس في القايله ودايم حافين ودايم تلقاه يناشق بخشمه يروحون المدرسه يا مشي ولا مع ابو الجيران واطلق ناس فيهم عنده شغاله سريلانكيه ولاعنين ابو خامسها وينادون ابوهم يوبوه وامهم يوموه واذا نجحو عيالهم وعلى الحفه بعد ولا مقبول هديته دستة شروخه ولا سيكل (جبيتر اربعه وعشرين) واكلهم اي وقت من سبق لبق رز وجريش ومرقوق هذا اذا بقى شي للي فاته الأكل !! وآخر شي اسمحولي بقول كلمة حق وخذوها برحابة صدر من اخوكم : لا تكتب مواضيع طريفه ومضحكه في (قسم الصرقعه) كلها مالها اي هدف بس عشان يقولون والله فلان زاحف ولا على قولة الشباب الحين محشش ولا عيار انا ماتكلم من فراغ ولا اسوي فيها اني كوميدي لكن شي كسبته من خبره في هالدنيا وابي غيري يستفيد مني مثل مانا استفيد من غيري وحاول عل الأقل يكون بعض من مواضيعك لها سنع والناس تستفيد لأن اقرب النصايح لعقول الناس اللي تجي من نقد بطريقة السخريه ولا تنسى تفسح مجال دايم لغيرك يثبت وجوده ويطلع مواهبه الكوميديه ,, ياجماعه اغلب المنتديات ماتدهورت الا بسبب الكلام اللي اقوله صايره الدعوه احزاب يردون على مواضيع بعض وتلقاهم حاقدين على اي عضو جديد يدخل بينهم ويحاربونه ويليت عاد مواضيعهم تسوى قسم بالله اقرا بعضها ماشوف فيها شي يضحك ولا على الأقل هدف وعلى فكره ترا قسم الصرقعه من اهم الاقسام اللي ترفع المنتدى بشكل غير مباشر فلا تدهورونه بيديكم !! وسامحوني لو جاء مني اي غلط وسامحوني على الفلسفه الزايده واسترو ماواجهتو واذكروني بخير والله يوفقكم كلبوكم << طيب بشر امك [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مسلسلات ارعص ( هنا ) 3
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سفن 7 قايز :: شغل متك تك-
انتقل الى: